Aviso di privacidad VotaAruba

VotaAruba ta tuma bo privacidad y bo derecho di vota serio. Pesei bo informacion ta wordo procesa y uza na un manera sigur. Den e aviso di privacidad (privacy statement) aki bo por lesa na ki manera nos ta trata bo informacion ora bo uza VotaAruba. Nos ta recomenda pa tur usuario lesa e aviso aki atentamente.

Ki informacion nos ta colecta?
Pa VotaAruba por funciona bon, e organisacion mester algun dato technico dibo. Pakico nos ta uza e informacion aki, bo por lesa den e siguiente seccion. E datonan cu nos ta colecta ta:

  • Cu bo ta cuminsa uza VotaAruba
  • E tipo di aparato (laptop, smartphone, etc.) cu bo ta uza
  • E ‘operating system’ cu bo ta uza
  • E browser cu bo ta uza
  • E momento/orario cu bo ta cuminsa uza VotaAruba

Ora bo cuminsa cu VotaAruba, e aplicacion ta wordo carga riba bo mes un aparato (manera bo computer, tablet of telefon). Bo contestanan y bo resultado ta wordo registra y warda solamente riba bo mesun aparato. E informacion aki no ta wordo manda pa (e server di) VotaAruba, y ningun otro instancia. E informacion aki tampoco no ta disponibel pa VotaAruba na ningun manera.

VotaAruba nunca no ta mira e contestanan cu abo a yena den VotaAruba. Tampoco VotaAruba ta obtene of colecta informacion tocante e partido cu abo tin mas en comun y tampoco cua partido bo ta hanja manera resultado. Bo IP-adres tampoco no ta ser warda door di VotaAruba y ningun otro instancia.

Pakico e datonan ta wordo colecta?

  • E datonan cu nos ta colecta ora bo usa VotaAruba ta wordo usa pa:
  • Pa hasi bo uso di VotaAruba posibel
  • Pa compila datonan estadistico
  • Pa sigura, adapta y mejora VotaAruba
  • Pa comparti cu otronan si VotaAruba ta obliga pa hasi esaki den concordiancia cu ley of regulacion.

Con largo boso ta warda e datonan?
E datonan ta wordo warda trinta (30) dia. Despues nan ta wordo destrui.

Con e datonan ta wordo sigura?
E organisacion cu ta sostene Fuente den maneha VotaAruba, ProDemos, a tuma e medidanan technico y organisatorio adecua pa sigura tur e datonan cu ta wordo procesa contra uso ilicito y contra perdida.

Consultacion y mehoracion di bo datonan
Si bo kier mira cua datonan VotaAruba a colecta dibo, bo por entrega un peticion pa mira esaki. E peticion aki por wordo manda pa info@nosfuente.org. VotaAruba lo contesta bo peticion dentro di cuater (4) siman. Pasobra VotaAruba no tin informacion cu por identifica e usuario, ta posibel cu VotaAruba lo puntrabo pa mas informacion tocante bo identidad, pa por cumpli cu bo peticion.

Si despues di e proceso aki, bo kier hasi algun cambio na e datonan cu bo a obtene di VotaAruba, bo por manda otro peticion pa VotaAruba. Bo por pidi pa VotaAruba cambia, mehora, suplementa of elimina bo datonan. VotaAruba lo contesta bo peticion dentro di cuater (4) siman. Si VotaAruba nenga bo peticion, VotaAruba lo aclara e motibo pa esaki den nan contesta.

E aviso aki por wordo cambia?
Si. Esaki ta posibel. E cambionan lo wordo anuncia riba e website di VotaAruba: www.votaaruba.org.

Pregunta?
Si bo tin mas pregunta tocante e aviso di privacy bo por tuma contacto cu nos via info@nosfuente.org